धरानमा भूपू सिंगापुर प्रहरीको हत्या, खोलामा भेटियो शव(भिडियो हेर्नुहोस)

सुनसरी, श्रावण १९ । सुनसरीको धरान उपमहानगरपालिका ३ मा एक जनाको शंकास्पद तरिकाले हत्या गरिएको छ ।

खोटाङको दिप्लुङ स्थायी घर भएका शंकर राईको हत्या गरेर धरानको माछा भौडीको खहरे खोलामा फालिएको अवस्थामा मंगलबार बिहान शव भेटिएको हो ।
भूपू सिंगापुर प्रहरी रहेका शंकर जागिर छाडेर धरानमा डेरा गरी परिवार सहित बस्दै आएका थिए ।आजको इमेज खबरमा खबर छ ।
शंकरको टाउकोमा गम्भिर चोट लागेको प्रहरीले जनाएको छ । प्रहरीले उनको शवको मुचुल्का गरी सब सल्यपरिक्षणका लागि बीपी कोइराला स्वास्थ्य विज्ञान प्रतिष्ठान पठाएको छ ।
घटनाबारे अनुसन्धान थालिएको इलाका प्रहरी कार्यालय धरानका डिएसपी सुदमकुमार सिजापतीले जानकारी दिए ।
यस अगाडि साउन १ गते धरान ८ का भेसु मगरको पनि हत्या गरिएको थियो ।

Labels: Nepali News