काठमाडौँ : बन्द सफल पार्ने नाममा विप्लव माओवादीका कार्यकर्ताले शुक्रबार दिउँसो काठमाडौंको नयाँ बजारमा ड्रार्इभरसहितको ट्याक्सीमा आगो लगाएका छन् ।

बन्दको अवज्ञा गरेको भन्दै आगो लगाइएपछि ट्याक्सीका ड्रार्इभरले भने भागेर ज्यान बचाउन सफल भए । गफ गर्ने बाहानामा ट्याक्सी नजिक आएका विप्लवका कार्यकर्ताले आगो लगाएका थिए ।

जल्दै गरेको ट्याक्सी अगाडि प्रहरी । तस्बिर : कबिन्द्र भट्ट

नयाँ बजारबाट सोह्रखुट्टे जाँदै गरेको बा १ ज २३०१ नम्बरको ट्याक्सीका ड्रार्इभरलाई निस्कनै नदिर्इ  विप्लवका कार्यकर्ताले धारा गल्लीको सडकमा आगो लगाएका प्रत्यक्षदर्शीले बताएका छन् ।

ट्याक्सी दनदनी बल्न थालेपछि ड्रार्इभर निस्केर भागेका थिए । आगजनीबाट ट्याक्सी पूरै जलेर नष्ट भएको छ ।

आगो लगाइएपछि दनदनी जल्दै गरेको ट्याक्सी । तस्बिर : कविन्द्र भट्ट

ट्याक्सी जलाउने माओवादी कार्यकर्ताको खोजी भइरहेपनि अहिलेसम्म फेला पार्न नसकिएको प्रहरीले जनाएको छ