नेपालगन्ज: नेपालगन्जको ब्यस्त धम्बोजी चोक नजिक धारिलो हतियार प्रयोग  एक युवकको हत्या भएको छ ।

 

धारिलो हतियार खुकुरी प्रहार गर्दा हात छुट्टिएका नेपालगन्ज उपमहानगरपालिका ८ का २५ वर्षीय चेतन मानन्धरको अत्याधिक रक्तश्राव भई मृत्यु भएको प्रहरीले जनाएको छ  । 

 

सुर्खेत रोडमा एक्लै हिडिरहेका मानन्धर माथि खुकुरी प्रहार गरिएको थियो । खुकुरी प्रहारपछि तत्कालै अस्पताल पुर्‍याइएका मानन्धरलाई अस्पतालले काठमाडौं रेफर गरेको केही क्षणमै उनको मृत्यु भएको बाँके प्रहरीले जानकारी दिएको छ । 

 

मानन्धरको काठमाण्डौ लाने क्रममा विमानस्थल नपुर्‍याउदै बाटा मै मृत्यु भएको  वडा प्रहरी इन्चार्ज प्रहरी निरीक्षक दिपेन्द्र पालले जानकारी दिएका छन् ।  

 

साव दुई बजेतिर भएको सो घटना पछि हत्यामा संलग्न व्यक्तिहरुलाई बाँकेका विभिन्न ठाउमा छापामारी ५ जना युवाहरुलाई पक्राउ गरिसकेको र अन्यको खोजी भैरहेको  प्रहरी निरीक्षक पालले जानकारी दिए  ।

 

सात जनाको समहुले मानन्धरलाई लखेटेर खुकुरी प्रहार गरेको प्रत्यक्षदर्शीहरुले बताएका छन ।  प्रहरीले आक्रमणकारीबाट एक थान खुडा र एक थान खुकुरी बरामत गरेका छ ।   

 

पक्राउ परेका युवाहरुले नाम नखुलाएपनि प्रहरीको बयान आफुहरु रिगल समूहको भएको बयान दिएको प्रहरी निरीक्षक पालले बताए । रिगल ढकाल तरुण दल बाँके क्षेत्र न ३ का सभापति समेत हुन ।

ठेक्का पट्टा लगायतका धेरै अपराधी गतिविधिमा   सो समुहको संलग्नता रहदै आएको छ । युवकको हत्या पछि नेपालगन्जको सुरक्षा गतिबिधि कडा बनाइएको छ ।