तीनजना सवार मोटरसाइकल दुर्घटनामा दुईजनाको मृत्यु

नेपालगन्ज–सुर्खेत राजमार्ग अन्र्तगत बाँकेको चिसापानीमा मोटरसाइकल दुर्घटनामा परी दुईजनाको मृत्यु भएको छ ।तीनजना सवार मोटरसाइकल दुर्घटनामा एकजना गम्भीर घाइते भएका छन् । भे ४ प ४२०५ नम्बरको मोटरसाइकल चिसापानी—४ देउरालीमा मध्यराति दुर्घटना भएको हो ।राति एक बजेतिर बबईबाट कोहलपुर आउने क्रममा बर्दिया बासगडी नगरपालिका—१ का ३२ वर्षीय मोटरसाइकल चलाक लोकबहादुर पुन र सोही ठाउँका २२ वर्षीय मोहन रावलको घटनास्थलमै मृत्यु भएको इलाका कार्यालय कोहलपुुरले जनाएको छ ।दुर्घटनामा बाँसगडीकै २४ वर्षीय गोपाल परियार गम्भीर घाइते भएका छन् । घाइतेको नेपालगन्ज मेडिकल कलेज कोहलपुरमा उपचार भइरहेको छ ।तीनजना सवार मोटरसाईकल तीव्र गतिका कारण अनियन्त्रित भएर पल्टिएको इलाका प्रहरी कार्यालय कोहलपुरले जनाएको छ ।

Labels: Nepali News